Publiko orokorrarentzako

ARTIUM bere ingurunearekin konprometitua dagoen zentro-museo irekia da, hezkuntza xede oinarrizko bat duena: adin guztietako jendea egungo sortze lanarekin harremanetan jartzea. Heziketa espiritu hori helburu, ARTIUMek era askotako jarduerak antolatzen ditu, bai zentro-museoaz familia giroan gozatzeko, bai gazteak beren interesen arabera egokitutako arte garaikidera hurbiltzeko, bai eta egungo kulturara iristeko zailtasunak dituzten giza-taldeei iritsen laguntzeko ere.

Familientzat

Gazteentzat

  • ARTIUMen elkartuko gara?
    13-16 bitarteko neska-mutila bazara ez huts egin gehien interesatzen zaizkizun gaiei buruzko sekretuak ezagutzeko aukera hau: animazioak nola egin, zure eskuko telefonoaz filmak nola egin, zerorren web orria modu erakargarri batean nola egin, argazki digitalak nola manipulatu, zapata kutxa batekin argazkiak nola egin. Tailerrak arratsaldez egiten dira. Merienda ematen da.

Programa sozialak

Gizarteko sektore guztietara iristea helburu, beren ezaugarri eta zirkunstantziengatik artearekin eta kulturarekin harremanetan jartzeko aukera gutxi duten giza taldeei zuzenduta daude programa hauek.

Zahar etxeak
Udaro ARTIUMeko hezitzaileek Araba osoa korritzen dute hirugarren adineko zentroak bisitatuz, arrazoi bategatik edo besteagatik kultura bere betetasunean bizi ezin duten adindunei arte garaikidearen sekretuetako batzuk azaltzeko asmoz. Saio jostagarrien bidez, parte hartzea bultzatuz, artea esprituaren jaki ere izatea nahi du ARTIUMek.

Ezinduak
ARTIUM ezinduentzat prestatuta dagoen eraikina da eta heziketa-programa interesgarriak eskaintzen ditu langile sentibera eta kualifikatuek gidatzen dituzten bisitaldietan.

Ikusmen-urriak
ONCErekin elkarlanean 18 tipografian eta Brailen egindako foiletoen testuak horrelakoen beharra dutenen eskura jartzen dira. Gainera, ikusmen-urritasuna duten bisitariek, aurretik denboraz erreserba eginda, museoan zehar ikusgai dauden artelan batzuk deskribatuz eta azalpen-testuak irakurriz lagunduko dien gida baten zerbitzua eska dezakete.
Argibideak: 945 209010

Buru-nahaste larria duten gaixoak
Arabako Ospitale Psikiatrikoarekin elkarlanean, ekimen honen bidez arte garaikideari buruzko hizketaldiak egiten dira, ikus-entzunezko materialak lagunduta, eta, bukatzeko, bisita egiten da zentro-museoan. Programa hau gizarte-arazo larriak dituzten pertsonak birgaitzeko talde-jardueren barruan sartzen da.

Presoak
Programa hau Langraiz Okako espetxean garatzen da helduak euskalduntzeko IKA zentroekin elkarlanean.
 

Share |